استشار النبي صلى الله عليه وسلم زوجاته في أدق الأمور وأهمها ومن ذلك استشارته صلى الله عليه وسلم لأم سلمة في "صلح الحديبية "عندما أمر أصحابه بنحر الهدي وحلق الرأس فلم يفعلوا لأنه شق عليهم أن يرجعوا ولم يدخلوا مكة ، فدخل مهموما حزينا على أم سلمة في خيمتها قائلا : هلك الناس..
فما كان منها إلا أن جاءت بالرأي الصائب: أخرج يا رسول الله فاحلق وانحر ، فحلق ونحر وإذا بأصحابه كلهم يقومون قومة رجل واحد فيحلقون وينحرون.
==========================
محدش أخد باله أن الرسول عليه الصلاة والسلام لم يستشهد بحديث "ناقصات عقل ودين" .. زى مافى بعض المتشدقين بالقوامة وكمال العقل واللي مش حافظين من السنة الا الحديث دة ووالله لم يفهموا معناه ولا مغزاه ..
الرسول اول ما ألمه أمر
دخل الى زوجته وحكى لها وأشارت اليه بأمر أنقذت به المسلمين فى هذا الموقف فعصيان أمر رسول الله مهلكة ..وبرأيها انقضى الأمر _رضى الله عنها _
الرسول مقالش دة أمر الأمة ولا مشورة فيه ..ولا ادعى انها لن تفهمه .. ولا غضب وانطوى مثلما يفعل بعض الازواج وكأن الدنيا قامت ومقعدتش عشان عنده مشكلة فى الشغل وقلب البيت عاصفة واليوم بقى صحراء جرداء لازرع فيها ولا ماء ...بالعكس سالها واخد رايها وحسسها قد ايه رايها مهم وانها شريك في حياته واموره كلها
معنى المشاركة يا جماعة مهم جدااا من ساعة ماقبلنا نبقى مع بعض وخلاص كل شئ بيتقسم على اتنين الحلو والمر
والمساندة وان تحس ان حبيبك واقف فى ضهرك حتى بالكلام والاحساس والرأى الصحيح بيبقى أجمل احساس تحس بيه انك غالى عند اللى بتحبهم ..وكل بنت ناوية تبقى زوجة تعرف انها لازم هتعيش دور الصاحب الجدع كتير ...
وانها تحافظ علي سر زوجها ويكون دايما بينه وبينها
هتكوني ليه سكن وبيت وملجا
هيجيلك سواء فرحان او زعلان عشان يلاقي عندك الراحه والامان
__________ اللهم صل على طب القلوب ودوائها
ليست هناك تعليقات:
إرسال تعليق