كان الرسول صلى الله عليه و سلم في بيت عائشة و كان لديه بعض الضيوف دعاهم إلى تناول الطعام فسمعت "زينب بنت جحش " بذلك فأرسلت مع خادمتها قصعة فيها "ثريد عليه ضلع شاة" و هو الطعام الذي تعرف أن الرسول صلى الله عليه و سلم كان يفضله على سائر الأطعمة الأخرى .
و ما كادت عائشة ترى القصعة في يد الخادمة حتى ضربتها بيدها فوقعت القصعة على الأرض و تناثر منها ما كان بها من طعام و انفلقت القصعة و دخلت عائشة تبكي في غرفتها.أما الرسول الكريم الحليم صلى الله عليه و سلم فابتسم و قال لمدعويه "غارت أمكم...غارت أمكم..." فأكلوا فأمسك حتى جاءت بقصعتها التى فى بيتها ،فدفعت القصعة السليمة إلى الرسول ،وترك المكسورة فى بيت عائشة وورد عن النبى أنه قال "طعام بطعام ، وإناء بإناء" ....
==========================
آااااااه "الغيرة " ..
مشكلة وسلاح ذو حدين إما حب وغلاوة وحب بقاء بجانب الحبيب ،وإما مخاصمة وشك وفراق ...
اللى بيحب حد طبيعى وبديهى بيغير عليه بل ممكن نقول ان الغيرة ممكن تكون معيار لقياس الحب ومدى نماؤه .. لكن يا ترى هل توضع فى اناء محمود أم مذموم ..
وضرب لنا رسولنا مثال من حياته وواقعه فى الأمر كما فى القصة
طب لو زوجك أو زوجتك كان مكان السيدة عائشة وحصل معاك الموقف بالظبط فكروا شوية ... ياترى كنت هتتصرف ازااااى ؟؟؟؟؟؟
خلى بالك رسول الله مش بمفرده لا كان معه أصحابه ...
الأكل تناثر من القصعة والرسول جمع الطعام من الأرض مرة أخرى ... يا خبر !!!! أى صبر يارسول الله .. أى حب وتقدير يا رسول الله ..أى رفق بغيرة الزوجة والحفاظ على مظهرها أمام الناس يا رسول الله ..
خلينا نلاحظ الرسول التمس لها العذر امام الجميع بل وقال "غارت امكم ...."
الشاهد اننا عايزين نقول حاجتين من الموقف النبوى الشريف
أولا : اللى شايف ان حبيبه بيغير عليه لازم يعرف انه بيحبه وبيشعر بالانتماء ليه فلازم تراعى دة وما تزهقش من مواقفه عشان هو ساعتها مش بيبقى شايف أو شايفة غير انه يحافظ على مكانته فى قلب حبيبه وبس وعشان كدة عايز يحجبه عن اى حد تانى .. فلازم تحتوى وما تلعبش على زرار الضغط العصبى عن نصك التانى وتوجعه وتغيظه بتصرفات تثير غيرته
ثانيا : الشخص اللى انت بتحبه لو عمل موقف غير لائق لازم تقدر حالته ويكون اول شئ يخطر على بالك هو انك تسامحه وتحتويه ومش معنى كدة انك ما تتعاملش مع الموقف بعقلانية برده لكن بشكل فيه رفق وحب والدفع بالتى هى احسن ..الرسول أخذ قصعة عائشة مكان القصعة المكسورة لانه حق الغير .. الرسول عالج جميع الامور فى الموقف حاول يكون عندك اتزان وحكمة خااااصة فى معاملة المرأة :)))
ليست هناك تعليقات:
إرسال تعليق